Qed tfittex impjieg fl-Ewropa u ma tafx minn fejn se tibda? Fuq din il-paġna ta’ ħjiel u suġġerimenti tista’ ssib pariri utli dwar kollox mill-abbozzar tas-CV perfetta sa kif tmur tajjeb ħafna fl-intervista li jmiss. Kemm jekk għadek kif bdejt fil-karriera tiegħek kif ukoll jekk qed tipprova tieħu l-karriera tiegħek għal-livell li jmiss, hawnhekk tista’ ssib x’għandek bżonn tagħmel biex tispikka mill-folla. Aqra aktar u skopri kif tista’ tagħmel it-tiftix ta’ impjieg tiegħek aktar effettiv u ta’ suċċess!
Il-ħjiel u s-suġġerimenti l-aktar riċenti
Fil-Portal Ewropew dwar il-Mobilità fix-Xogħol (EURES), aħna niffukaw ħafna fuq li ngħinuk bil-loġistika biex issib impjieg barra minn pajjiżek u tirriloka f’pajjiż ieħor. Iżda x’jiġri jekk issib ruħek fis-sitwazzjoni opposta?
Qed tħossok anzjuż(a) minħabba evalwazzjoni tal-prestazzjoni li se ssir dalwaqt fuq il-post tax-xogħol ? Kompli aqra biex issir taf kif tista’ ttaffi l-biżgħat tiegħek u toħroġ rebbieħ(a).
Darren Kelly telaq mill-Irlanda u mar il-Ġermanja bħala gradwat ġdid b’aspirazzjonijiet li jaħdem fl-industrija tal-logħob. Issa żviluppatur ewlieni b’esperjenza ta’ għaxar snin, qed jippjana li jirritorna lejn l-Irlanda biex jibda n-negozju tiegħu.
Teħtieġ appoġġ imfassal apposta għalik? Ikkuntattja Konsulent tal-EURES
Il-Konsulenti tal-EURES huma l-esperti tiegħek ta’ fiduċja fil-mobilità tal-forza tax-xogħol, lesti biex jappoġġawk fit-tiftix ta’ impjieg Ewropew tiegħek. Huma mħarrġa biex jiggwidawk f’kull pass tat-tiftix ta’ impjieg tiegħek, filwaqt li joffrulek pariri prattiċi, legali u amministrattivi. Kull pajjiż tal-EURES għandu t-tim tiegħu ta’ Konsulenti tal-EURES, u tista’ faċilment issib wieħed f’pajjiżek hawnhekk. Barra minn hekk, il-Konsulenti tal-EURES minn diversi pajjiżi jospitaw diskussjonijiet online kull ġimgħa. Biex titgħallem aktar u tingħaqad ma’ dawn is-sessjonijiet, iċċekkja “Chat ma’ Konsulenti tal-EURES”.
Agħmel is-CV u l-ittra ta’ akkumpanjament tiegħek
CV u ittra ta’ akkumpanjament effettivi jistgħu jkunu għodod ewlenin fit-tiftix ta’ impjieg tiegħek! L-Europass huwa għodda li tippermettilek toħloq CVs u ittri ta’ akkumpanjament biex tikkomunika b’mod effettiv il-ħiliet u l-kwalifiki tiegħek fl-Ewropa. Il-Kummissjoni Ewropea tipprovdi dan is-servizz mingħajr ħlas u f’31 lingwa differenti.
Ħu l-pass li jmiss fit-tagħlim jew fil-karriera tiegħek
- L-Europass jħeġġek tieħu l-pass li jmiss fit-tagħlim jew fil-karriera tiegħek billi:
- Jgħinek tirrifletti dwar il-ħiliet u l-esperjenzi attwali tiegħek;
- Jippreżentalek opportunitajiet imfassla apposta għalik u affidabbli ta’ tagħlim u ta’ impjieg fl-Ewropa kollha;
- Jissimplifikalek il-kitba tas-CVs u tal-Ittri ta’ Akkumpanjament permezz ta’ mudelli li jistgħu jiġu editjati;
- Jipprovdilek informazzjoni preċiża dwar ix-xogħol u t-tagħlim fl-Ewropa;
- Jipprovdilek links għal networks ta’ appoġġ xierqa.
Permezz ta’ dan, il-Kummissjoni Ewropea tgħinek biex tilħaq il-potenzjal sħiħ tiegħek u ssib opportunitajiet fl-Ewropa kollha li jaqblu mal-ħiliet u mal-esperjenzi tiegħek.